కీ.శే. ఇలింద్ర వరదరాజం శత జయంతి వేడుకలు:నివాళులర్పించిన ఎమ్మెల్యే కావ్య కృష్ణారెడ్డి
కావలి: ఆగస్టు,25
కావలి పట్టణంలోని ‘కలయిక’ కల్యాణ మండపంలో కీ.శే. ఇలింద్ర వరదరాజం గారి శత జయంతి వేడుకలు అత్యంత వైభవంగా నిర్వహించారు. ఈ కార్యక్రమానికి ముఖ్య అతిథిగా విచ్చేసిన కావలి శాసనసభ్యులు కావ్య కృష్ణారెడ్డి గారు, కీ.శే. ఇలింద్ర వరదరాజం గారి చిత్రపటానికి పూలమాల వేసి ఘనంగా నివాళులు అర్పించారు.
ఈ సందర్భంగా ఎమ్మెల్యే కావ్య కృష్ణారెడ్డి గారు మాట్లాడుతూ — తమ తండ్రిగారి జ్ఞాపకార్థం ఆయన ఆశయాలను ముందుకు తీసుకెళ్తూ, అనేక రకాల సేవా కార్యక్రమాలను నిర్వహిస్తున్న ఇలింద్ర వరదరాజం గారి కుటుంబ సభ్యులను ప్రత్యేకంగా అభినందించారు. సమాజ సేవకు అంకితమై వారు చేస్తున్న కృషి ఎంతో అభినందనీయమని కొనియాడారు.
కార్యక్రమంలో భాగంగా, సమాజ సేవలో ముందుండే రోటరీ క్లబ్కు రూ. 1,00,000 (లక్ష రూపాయల) విరాళం చెక్కును ఎమ్మెల్యే కావ్య కృష్ణారెడ్డి గారి చేతుల మీదుగా రోటరీ క్లబ్ ప్రతినిధులకు అందజేశారు.ఈ కార్యక్రమంలో ఇలింద్ర వరదరాజం గారి కుటుంబ సభ్యులు, రోటరీ క్లబ్, రెడ్ క్రాస్, ప్రతినిధులు, పట్టణ ప్రముఖులు మరియు పలువురు ముఖ్య నాయకులు పెద్ద సంఖ్యలో పాల్గొన్నారు.
.jfif)
.jpeg)
