- కావలిలో ఇంటింటి ప్రచారానికి సన్నాహాలు పూర్తి
- రేపు 20వ వార్డులో ఎమ్మెల్యే కావ్య కృష్ణారెడ్డి చేతుల మీదుగా లాంఛనంగా ప్రారంభం.
- ఎమ్మెల్యే కావ్య కృష్ణారెడ్డి సమక్షంలో క్లస్టర్, యూనిట్ ఇన్చార్జిలతో సమీక్ష సమావేశం.
- 45 రోజుల పాటు ఇంటింటికీ వెళ్లి ప్రభుత్వ పథకాలు, అభివృద్ధి కార్యక్రమాలపై అవగాహన.
- ప్రతి వాలంటీర్కు 30 ఇళ్ల బాధ్యత.. ఉదయం 7 నుంచి రాత్రి 9 వరకు ప్రచారం.
- OTP, ఫోటో వెరిఫికేషన్, జియో ట్యాగింగ్, GPS ద్వారా కుటుంబ వివరాలు, ప్రజా సమస్యల నమోదు.
కావలి, జూలై 26:
రాష్ట్రంలో కూటమి ప్రభుత్వం రెండేళ్ల పాలన పూర్తి చేసుకున్న సందర్భంగా ప్రభుత్వం చేపట్టిన అభివృద్ధి కార్యక్రమాలు, సంక్షేమ పథకాలను ప్రజలకు నేరుగా వివరించే లక్ష్యంతో రాష్ట్రవ్యాప్తంగా 45 రోజుల పాటు నిర్వహించనున్న 'ఇంటింటి ప్రచారం' (డోర్ టు డోర్ క్యాంపెయిన్) కార్యక్రమానికి కావలిలో సన్నాహాలు పూర్తయ్యాయి. ఈ కార్యక్రమాన్ని విజయవంతం చేసేందుకు ఆదివారం కావలి తెలుగుదేశం పార్టీ కార్యాలయంలో ఎమ్మెల్యే కావ్య కృష్ణారెడ్డి క్లస్టర్ ఇన్చార్జిలు, యూనిట్ ఇన్చార్జిలు, పార్టీ ముఖ్య నాయకులతో విస్తృత స్థాయి సమీక్ష సమావేశం నిర్వహించారు.సమావేశంలో ఎమ్మెల్యే మాట్లాడుతూ, ముఖ్యమంత్రి నారా చంద్రబాబు నాయుడు పిలుపు మేరకు రాష్ట్రవ్యాప్తంగా ఈ కార్యక్రమాన్ని ప్రతిష్ఠాత్మకంగా నిర్వహిస్తున్నట్లు తెలిపారు. ప్రభుత్వం అధికారంలోకి వచ్చిన తర్వాత అమలు చేసిన సంక్షేమ పథకాలు, అభివృద్ధి కార్యక్రమాలు ప్రతి అర్హుల ఇంటికి చేరాయా లేదా అనే విషయాన్ని క్షేత్రస్థాయిలో తెలుసుకోవడంతో పాటు ప్రజల అభిప్రాయాలు, సమస్యలను నేరుగా నమోదు చేయడమే ఈ కార్యక్రమం ప్రధాన ఉద్దేశ్యమన్నారు.రేపు ఉదయం కావలి పట్టణంలోని 20వ వార్డులో ఈ కార్యక్రమాన్ని తాను స్వయంగా ప్రారంభిస్తానని ఎమ్మెల్యే తెలిపారు. అనంతరం నియోజకవర్గంలోని అన్ని వార్డులు, గ్రామాల్లో దశలవారీగా 45 రోజుల పాటు ప్రచారం కొనసాగుతుందని చెప్పారు. పార్టీ నాయకులు, కార్యకర్తలు ప్రజలతో మర్యాదగా వ్యవహరించి ప్రభుత్వంపై ప్రజలకు ఉన్న విశ్వాసాన్ని మరింత బలోపేతం చేసేలా పనిచేయాలని సూచించారు.ప్రతి ఇంటికి వెళ్లే బృందాలు కుటుంబ సభ్యుల వివరాలు, ప్రభుత్వ పథకాల లబ్ధి, పెండింగ్లో ఉన్న సమస్యలు, స్థానిక అవసరాలను నమోదు చేయనున్నట్లు తెలిపారు. ప్రజల నుంచి వచ్చిన ప్రతి సమస్యను సంబంధిత శాఖల దృష్టికి తీసుకెళ్లి పరిష్కారానికి చర్యలు తీసుకుంటామని హామీ ఇచ్చారు.ఈ ప్రచార కార్యక్రమంలో ప్రతి వాలంటీర్కు సుమారు 30 గృహాలను కేటాయించనున్నారు. ఒక్కో బృందం మూడు రోజుల పాటు ఇంటింటికి వెళ్లి కుటుంబ సభ్యులను కలుసుకుని ప్రభుత్వ పథకాలపై అవగాహన కల్పించడంతో పాటు వారి అభిప్రాయాలను నమోదు చేయనుంది. ప్రతి రోజు ఉదయం 7 గంటల నుంచి రాత్రి 9 గంటల వరకు ఈ కార్యక్రమం కొనసాగుతుంది.లబ్ధిదారుల వివరాల నమోదు పూర్తిగా డిజిటల్ విధానంలో చేపట్టనున్నారు. OTP ధృవీకరణ, ఫోటో వెరిఫికేషన్, జియో ట్యాగింగ్, GPS ఆధారిత నమోదు ద్వారా సమాచారాన్ని మొబైల్ యాప్లో నమోదు చేస్తారు. దీంతో ప్రతి ఇంటిని సందర్శించిన వివరాలు పారదర్శకంగా నమోదు అవుతాయని అధికారులు తెలిపారు.ప్రభుత్వం అమలు చేస్తున్న పథకాలపై ప్రజలకు పూర్తి అవగాహన కల్పించడం, అర్హులైన ప్రతి కుటుంబానికి సంక్షేమం చేరేలా చూడడం, స్థానిక సమస్యలను వెంటనే గుర్తించి పరిష్కార దిశగా చర్యలు తీసుకోవడం ఈ కార్యక్రమం ప్రధాన లక్ష్యమని ఎమ్మెల్యే స్పష్టం చేశారు. ప్రజల సహకారంతో ఈ కార్యక్రమాన్ని విజయవంతం చేయాలని ఎమ్మెల్యే పిలుపునిచ్చారు.ఈ సమావేశంలో పార్టీ నాయకులు, క్లస్టర్ ఇన్చార్జిలు, యూనిట్ ఇన్చార్జిలు, ప్రజాప్రతినిధులు, కార్యకర్తలు పాల్గొన్నారు..
.jfif)
.jfif)