జక్కేపల్లి గూడూరులో ‘రైతన్నా–మీకోసం’ కార్యక్రమంలో పాల్గొన్న ఎమ్మెల్యే కావ్య కృష్ణారెడ్డి

బోగోలు మండలం జక్కేపల్లి గూడూరులో బుధవారం జరిగిన ‘రైతన్నా – మీకోసం’ కార్యక్రమంలో కావలి నియోజకవర్గ ఎమ్మెల్యే కావ్య కృష్ణారెడ్డి గారు పాల్గొన్నారు. ప్రాంతంలోని ప్రతి రైతును వ్యక్తిగతంగా కలుసుకుని వారి సమస్యలు, అవసరాలు, అభిప్రాయాలను తెలుసుకోవడం ఈ కార్యక్రమానికి ప్రత్యేక ఆకర్షణగా నిలిచింది.

ఎమ్మెల్యే కావ్య కృష్ణారెడ్డి గ్రామంలో ముఖ్యమంత్రి సందేశ పత్రాలను రైతులకు అందజేశారు. రైతులతో నేరుగా మాట్లాడిన సందర్భంగా, కూటమి ప్రభుత్వం వ్యవసాయ రంగాన్ని బలోపేతం చేయడానికి చేపడుతున్న పథకాలు, సబ్సిడీలు, సహాయ కార్యక్రమాలపై రైతులకు వివరంగా తెలియజేశారు.

రాష్ట్ర ముఖ్యమంత్రి నారా చంద్రబాబు నాయుడు గారి ఆశీస్సులతో రైతులు ఈసారి ఎంతో సంతృప్తిగా, ఆనందంగా ఉన్నారు. సోమశిల ప్రాజెక్ట్ నుంచి నీరు పుష్కలంగా అందడం రైతులకు గొప్ప అదృష్టం" అని ఎమ్మెల్యే అన్నారు.

"రైతులకు అన్ని విధాలుగా అండగా ఉంటాం. కావలి నియోజక వర్గంలో యూరియాకి ఎలాంటి ఇబ్బందులు లేకుండా ప్రభుత్వం పూర్తిగా పర్యవేక్షణ చేస్తోంది. రైతుల అభివృద్ధే మా లక్ష్యం" అని స్పష్టం చేశారు.

ఈ కార్యక్రమంలో వ్యవసాయ శాఖ అధికారులు, టిడిపి పార్టీ నాయకులు, స్థానిక కార్యకర్తలు, గ్రామస్థులు, రైతులు పెద్ద సంఖ్యలో పాల్గొని కార్యక్రమాన్ని విజయవంతం చేశారు. రైతులు ఎమ్మెల్యే గారి పర్యటనపై సంతోషం వ్యక్తం చేస్తూ, తమ ప్రాంతానికి మరింత అభివృద్ధి చర్యలు కొనసాగించాలని కోరుకున్నారు.