కావలి పట్టణం గొట్టిపాటి కొండప నాయుడు కళ్యాణమండపంలో జాతీయ జర్నలిస్టుల దినోత్సవానికి హాజరైన..ఎమ్మెల్యే కావ్య కృష్ణారెడ్డి.
ఎమ్మెల్యేకు స్వాగతం పలికిన జర్నలిస్ట్ సోదరులు.
జర్నలిస్టు భవనానికి స్థలం ఏర్పాటు చేస్తాం. ఆగస్టు 15వ తేదీ శంకుస్థాపన చేసుకోవచ్చు..
అన్ని రాజకీయ పార్టీలు భాగస్వామ్యతోనే జర్నలిస్టు భవన్ ఏర్పాటు అవ్వాలి. ఎమ్మెల్యే కావ్య కృష్ణారెడ్డి..
త్వరలో మీడియా మిత్రులకు ఇంటి స్థలాలు కేటాయిస్తాం..
జర్నలిస్టులు నా కుటుంబ సభ్యులు...తాను జర్నలిస్టుల కు ఎప్పుడు వ్యతిరేకం కాదు.ఎమ్మెల్యే కృష్ణరెడ్డి.
మందాటి చెరువు వద్ద ట్యాంకు బండ్ నిర్మాణం జరుగుతుంది..ఎమ్మెల్యే
అక్కడ అర్ధరాత్రి కూడా వాకింగ్ చేసుకుని అవకాశం ఉంది కావలి ప్రజలు వస్తారు. ప్రతి ఒక్కరికి భరోసా కోసం దేవాలయం లాంటి మీడియా భవన్ కూడా అక్కడ ఉండాలి. ఎమ్మెల్యే కావ్య కృష్ణారెడ్డి..
భారీగా హాజరైన మీడియా మిత్రులు..
జర్నలిస్టు భవనానికి స్థలం ఏర్పాటు చేస్తాం.. ఆగస్టు 15న శంకుస్థాపనకు సిద్ధం.. త్వరలో మీడియా మిత్రులకు ఇంటి స్థలాలు కేటాయిస్తాం : ఎమ్మెల్యే కావ్య కృష్ణారెడ్డి
జాతీయ జర్నలిస్టుల దినోత్సవ కార్యక్రమం పాల్గొన్న కావలి ఎమ్మెల్యే కావ్య కృష్ణారెడ్డి.. జర్నలిస్టులకు ఘన స్వాగతం..
"జర్నలిస్టులు నా కుటుంబ సభ్యులు.. మీడియాకు ఎప్పుడూ వ్యతిరేకం కాదు.. మందాటి చెరువు ట్యాంక్బండ్ వద్ద దేవాలయం లాంటి మీడియా భవనం ఉండాలి" – ఎమ్మెల్యే కావ్య కృష్ణారెడ్డి
కావలి, జూలై 31:
జాతీయ జర్నలిస్టుల దినోత్సవాన్ని పురస్కరించుకుని కావలి పట్టణంలోని గొట్టిపాటి కొండప నాయుడు కళ్యాణమండపంలో శుక్రవారం ఘనంగా నిర్వహించిన కార్యక్రమానికి కావలి ఎమ్మెల్యే కావ్య కృష్ణారెడ్డి ముఖ్య అతిథిగా హాజరయ్యారు. కార్యక్రమానికి చేరుకున్న ఎమ్మెల్యేకు సీనియర్ జర్నలిస్టు,మీడియా మిత్రులు పుష్పగుచ్ఛాలు అందించి ఘన స్వాగతం పలికారు. అనంతరం నిర్వాహకులు శాలువాతో సత్కరించారు. ఈ సందర్భంగా సభలో మాట్లాడిన ఎమ్మెల్యే కావ్య కృష్ణారెడ్డి జర్నలిస్టుల సేవలను కొనియాడుతూ, సమాజానికి నిజమైన సమాచారాన్ని అందించడంలో మీడియా పాత్ర అత్యంత కీలకమని అన్నారు. ప్రజాస్వామ్య వ్యవస్థలో మీడియా నాలుగో స్థంభంగా ప్రజల సమస్యలను ప్రభుత్వ దృష్టికి తీసుకెళ్లడంలో, ప్రజలకు ప్రభుత్వ సంక్షేమ పథకాలను చేరవేయడంలో జర్నలిస్టులు చేస్తున్న సేవలు అభినందనీయమని పేర్కొన్నారు.జర్నలిస్టుల చిరకాల ఆకాంక్ష అయిన జర్నలిస్టు భవనం నిర్మాణానికి అవసరమైన స్థలాన్ని ఏర్పాటు చేస్తామని ఎమ్మెల్యే హామీ ఇచ్చారు. రానున్న ఆగస్టు 15వ తేదీన జర్నలిస్టు భవన నిర్మాణానికి శంకుస్థాపన చేసుకునేలా చర్యలు తీసుకుంటామని ప్రకటించారు. ఈ ప్రకటనతో సభలో ఉన్న మీడియా ప్రతినిధులు హర్షం వ్యక్తం చేశారు.జర్నలిస్టు భవనం అనేది ఏ ఒక్క రాజకీయ పార్టీకి చెందినది కాదని, అన్ని రాజకీయ పార్టీల భాగస్వామ్యంతో, అందరి సహకారంతో జర్నలిస్టు భవనం నిర్మాణం జరగాలని ఆయన ఆకాంక్ష వ్యక్తం చేశారు. రాజకీయాలకు అతీతంగా జర్నలిస్టుల సంక్షేమమే తమ ప్రభుత్వ లక్ష్యమని తెలిపారు. జర్నలిస్ట్ భవనానికి తన వంతు ఆర్థిక సహాయం అందిస్తారని తెలిపారు..అదేవిధంగా, త్వరలో మీడియా మిత్రులకు ఇంటి స్థలాల కేటాయింపు కూడా చేపడతామని ఎమ్మెల్యే వెల్లడించారు. జర్నలిస్టుల సంక్షేమానికి ప్రభుత్వం కట్టుబడి ఉందని, వారి న్యాయమైన సమస్యలను పరిష్కరించేందుకు ప్రత్యేక దృష్టి సారిస్తామని హామీ ఇచ్చారు."జర్నలిస్టులు నా కుటుంబ సభ్యులు... నేను ఎప్పుడూ జర్నలిస్టులకు వ్యతిరేకం కాదు" అని ఎమ్మెల్యే పేర్కొన్నారు. ప్రజల గొంతుకగా పనిచేసే మీడియా పట్ల తనకు ఎల్లప్పుడూ గౌరవం ఉంటుందని, జర్నలిస్టుల అభ్యున్నతికి అవసరమైన ప్రతి చర్యకు తన పూర్తి సహకారం అందిస్తానని స్పష్టం చేశారు.అభివృద్ధి కార్యక్రమాల గురించి ప్రస్తావిస్తూ, మందాటి చెరువు వద్ద ట్యాంక్బండ్ నిర్మాణ పనులు వేగంగా కొనసాగుతున్నాయని ఎమ్మెల్యే తెలిపారు. ఆ ప్రాంతాన్ని ప్రజలకు ఆహ్లాదకరమైన విహార కేంద్రంగా అభివృద్ధి చేస్తున్నామని, భవిష్యత్తులో ప్రజలు అర్ధరాత్రి సమయంలో కూడా సురక్షితంగా వాకింగ్ చేసుకునే విధంగా అన్ని సౌకర్యాలు కల్పిస్తున్నామని చెప్పారు.అలాంటి అందమైన ప్రదేశంలో ప్రతి ఒక్కరికీ భరోసాను కలిగించే దేవాలయం లాంటి మీడియా భవనం కూడా ఉండాలని తన ఆకాంక్ష అని ఎమ్మెల్యే పేర్కొన్నారు. జర్నలిస్టు భవనం కేవలం ఒక కార్యాలయం మాత్రమే కాకుండా మీడియా మిత్రుల ఐక్యతకు, ఆత్మీయతకు ప్రతీకగా నిలవాలని అభిలషించారు.కార్యక్రమంలో పలువురు సీనియర్ జర్నలిస్టులు మాట్లాడుతూ ఎమ్మెల్యే ప్రకటించిన హామీలను స్వాగతించారు. జర్నలిస్టుల సమస్యల పరిష్కారంపై ప్రత్యేక దృష్టి సారించినందుకు ఎమ్మెల్యేకు కృతజ్ఞతలు తెలిపారు.ఈ కార్యక్రమానికి కావలి పట్టణం, మండల పరిధిలోని వివిధ పత్రికలు, టెలివిజన్ ఛానళ్లు, డిజిటల్ మీడియా సంస్థలకు చెందిన జర్నలిస్టులో భారీ సంఖ్యలో మీడియా మిత్రులు, హాజరయ్యారు.
.jpg)
