జర్నలిస్ట్ బషీర్ కుటుంబాన్ని పరామర్శించిన ఎమ్మెల్యే కావ్య కృష్ణారెడ్డి..
కావలి పట్టణం జనతా పేటలో నివాసముంటున్న సీనియర్ జర్నలిస్ట్, ఆంధ్రప్రభ కావలి ఇంచార్జ్ ఎస్.కె. బషీర్ గారి కుటుంబాన్ని ఎమ్మెల్యే కావ్య కృష్ణారెడ్డి గారు పరామర్శించారు. ఇటీవల బషీర్ గారి తండ్రి ఖాదర్ భాష గారు మృతి చెందడం పట్ల తీవ్ర విచారం వ్యక్తం చేసిన ఎమ్మెల్యే వారి నివాసానికి వెళ్లి ఖాదర్ భాషకి నివాళులర్పించారు.
కుటుంబసభ్యులు కన్నీటితో తల్లడిల్లుతున్న వేళ, వారిని ఓదార్చి, వారి బాధను పంచుకుంటూ ఎమ్మెల్యే ఎంతో ఆదరణగా మాట్లాడారు. "మీ కుటుంబం ఏ కష్టంలోనైనా నేను మీ పక్కనే ఉంటాను… మీకు అవసరం అయితే ఎప్పుడైనా చెప్పండి" అని బషీర్ కుటుంబానికి ధైర్యం నిచ్చారు. ఖాదర్ భాష గారి సేవలు, శ్రమ, కుటుంబంపై ఆయన చూపిన ప్రేమను స్మరించుకుంటూ, ఆయన ఆత్మకు శాంతి చేకూరాలని ప్రార్థించారు..ఎమ్మెల్యే మాటలు విన్న బషీర్ కుటుంబసభ్యులు భావోద్వేగానికి గురై కృతజ్ఞతలు తెలిపారు.
ఈ కార్యక్రమంలో టిడిపి నాయకులు, కార్యకర్తలు, స్థానిక వార్డు ప్రజలు పాల్గొని కుటుంబానికి అండగా నిలిచారు.
.jpg)
.jfif)