కావలి ఎమ్మెల్యే కావ్య కృష్ణారెడ్డికి గురు పౌర్ణమి మహోత్సవాల ఆహ్వానం అందజేసిన శ్రీ సాయి క్షేత్రం కమిటీ సభ్యులు.
- ఈనెల 27, 28, 29 తేదీలలో ముసునూరులోని శ్రీ సాయి క్షేత్రంలో గురు పౌర్ణమి మహోత్సవాలు వైభవంగా నిర్వహణ.
- ప్రత్యేక పూజలు, సామూహిక అభిషేకాలు, భజనలు, ఆధ్యాత్మిక ప్రవచనాలు, అన్నదాన కార్యక్రమాల వివరాలు ఎమ్మెల్యేకు వెల్లడించిన కమిటీ.
- మహోత్సవాలకు ముఖ్య అతిథిగా హాజరుకావాలని ఎమ్మెల్యే కావ్య కృష్ణారెడ్డిని ఆహ్వానించిన కమిటీ సభ్యులు.
- తప్పకుండా పాల్గొంటానని హామీ ఇచ్చిన ఎమ్మెల్యే.. భక్తులకు అన్ని సౌకర్యాలు కల్పించి వేడుకలను విజయవంతంగా నిర్వహించాలని సూచన.
కావలి, జూలై 23:
గురు పౌర్ణమి సందర్భంగా ఈ నెల 27, 28, 29 తేదీలలో కావలి మండలం ముసునూరులోని శ్రీ సాయి క్షేత్రంలో నిర్వహించనున్న గురు పౌర్ణమి మహోత్సవాలు అత్యంత వైభవంగా జరగనున్నాయి. ఈ నేపథ్యంలో శ్రీ సాయి క్షేత్రం కమిటీ సభ్యులు కావలి శాసనసభ్యులు కావ్య కృష్ణారెడ్డిని వారి నివాసంలో గురువారం మర్యాదపూర్వకంగా కలిసి మహోత్సవాల ఆహ్వాన పత్రికను అందజేశారు.ఈ సందర్భంగా కమిటీ సభ్యులు గురు పౌర్ణమి మహోత్సవాల నిర్వహణ, ప్రత్యేక పూజలు, సామూహిక అభిషేకాలు, భజనలు, ఆధ్యాత్మిక ప్రవచనాలు, అన్నదాన కార్యక్రమాలు తదితర విశేషాలను ఎమ్మెల్యేకు వివరించారు.కార్యక్రమాలను భక్తిశ్రద్ధలతో, వేలాది మంది భక్తుల సమక్షంలో ఘనంగా నిర్వహించేందుకు చేపడుతున్న ఏర్పాట్ల గురించి కూడా వివరించారు.కమిటీ సభ్యుల వివరాలను ఆసక్తిగా విన్న ఎమ్మెల్యే కావ్య కృష్ణారెడ్డి మహోత్సవాల నిర్వహణకు కమిటీ చేస్తున్న కృషిని అభినందించారు. అనంతరం గురు పౌర్ణమి వేడుకలకు ముఖ్య అతిథిగా హాజరై భక్తులను ఆశీర్వదించాలని కమిటీ సభ్యులు ఎమ్మెల్యేను ఆహ్వానించారు.ఆహ్వానాన్ని సాదరంగా స్వీకరించిన ఎమ్మెల్యే కావ్య కృష్ణారెడ్డి మాట్లాడుతూ, శ్రీ సాయి క్షేత్రంలో నిర్వహించే గురు పౌర్ణమి మహోత్సవాల్లో తప్పకుండా పాల్గొని శ్రీ సాయిబాబా వారి ఆశీస్సులు పొందుతానని తెలిపారు. ఆధ్యాత్మిక కార్యక్రమాలు సమాజంలో ఐక్యత,సత్సంకల్పం, సేవాభావాన్ని పెంపొందిస్తాయని పేర్కొన్నారు.అలాగే గురు పౌర్ణమి మహోత్సవాలు భక్తిశ్రద్ధలతో, ఎలాంటి ఆటంకాలు లేకుండా విజయవంతంగా నిర్వహించాలని ఆకాంక్షిస్తూ శ్రీ సాయి క్షేత్రం కమిటీ సభ్యులకు ఎమ్మెల్యే శుభాకాంక్షలు తెలిపారు.భక్తులకు అన్ని సౌకర్యాలు కల్పించి కార్యక్రమాలను ఆదర్శవంతంగా నిర్వహించాలని సూచించారు.ఈ కార్యక్రమంలో శ్రీ సాయి క్షేత్రం కమిటీ సభ్యులు, ఆలయ నిర్వాహకులు,పాల్గొన్నారు..
.jfif)
.jfif)
.jfif)
.jfif)
