శారీరక దారుడ్యానికి, మానసిక వికాసానికి క్రీడలు అవసరం

- కావలి ఎమ్మెల్యే కావ్య క్రిష్ణారెడ్డి

శారీరక దారుడ్యానికి, మానసిక వికాసానికి క్రీడలు అవసరమని కావలి ఎమ్మెల్యే కావ్య క్రిష్ణారెడ్డి అన్నారు. సోమవారం కావలి పట్టణంలోని పుల్లారెడ్డి నగర్ లో ప్రైమో టెన్నిస్ బాల్ క్రికెట్ టోర్నమెంట్ ను ఆయన ప్రారంభించారు. ఈ టోర్నమెంట్ లో మొత్తం 20 టీములు పాల్గొనగా, ఏ టీం తో ఏ టీం పోటీ పడాలో ఆయన డ్రా తీశారు. బ్యాట్ పట్టి క్రికెట్ ఆడుతూ క్రీడాకారులను ఉత్సాహపరిచారు. అనంతరం ఏర్పాటు చేసిన కార్యక్రమంలో ఎమ్మెల్యే మాట్లాడుతూ క్రీడలలో గెలుపు, ఓటములు సహజమని, ఓడిన వారు చింతించవలసిన అవసరం లేదన్నారు. తరువాత సాధించబోయే విజయానికి ఈ ఓటమి నాంది అవుతుందని అన్నారు. ఈ కార్యక్రమంలో తెలుగుదేశం పార్టీ నాయకులు తిరివీధి ప్రసాద్, దేవరకొండ శ్రీను, భోగ్యం కిషోర్ కుమార్ రెడ్డి, కేతిరెడ్డి విష్ణుతేజారెడ్డి, కావలి రూరల్ మండల ప్రధాన కార్యదర్శి ఉప్పాల వెంకట్రావు, జనసేన కావలి పట్టణ అధ్యక్షులు పొబ్బా సాయి, క్రీడాకారులు, తదితరులు పాల్గొన్నారు.