ఎమ్మెల్యే కావ్య కృష్ణారెడ్డి ఆధ్వర్యంలో కన్నుల పండుగగా అయ్యప్ప స్వామి మహా పడిపూజ

వేలాదిగా తరలివచ్చిన భక్తుల శరణు ఘోషతో మార్మోగిన కావలి ముసునూరు గురు రాఘవేంద్ర కాలనీ ప్రాంతం

ఆధ్యాత్మిక వైభవంతో మెరిసిన ఎమ్మెల్యే నివాసం ప్రాంగణం..

స్వామియే శరణం అయ్యప్ప… హరి హరి వాసనే శరణం అయ్యప్ప… అంటూ వేలాదిమంది అయ్యప్ప మాలధారుల ఘోషతో బుధవారం నాడు కావలి బుధవారం ముసునూరు గురు రాఘవేంద్ర కాలనీ ప్రాంతం ఆధ్యాత్మిక కాంతుల్లో మునిగిపోయింది. కావలి ఎమ్మెల్యే కావ్య కృష్ణారెడ్డి ఆధ్వర్యంలో ఎమ్మెల్యే నివాసం వద్ద అత్యంత వైభవంగా జరిగిన అయ్యప్ప స్వామి మహా పడిపూజ కార్యక్రమం భక్తులను అద్భుతమైన భక్తి ఆనుభూతికి చేరువ చేసింది.కార్యక్రమం కోసం ప్రత్యేకంగా ఏర్పాటు చేసిన మండపాన్ని కాశీ-శబరిమలై దేవాలయాల శైలిలో కనువిందుగా తీర్చిదిద్దారు. రంగురంగుల పుష్పాల అలంకరణలు, దీపాలతో ప్రకాశించే మంటపం, దేవతా మూర్తుల ఉత్సవ విగ్రహాలు—ఈన్నీ కలసి ప్రాంగణం మొత్తం దివ్యానుభూతిని పాలు పంచాయి.భక్తుల రాకతో ఎమ్మెల్యే నివాసం ప్రాంతం పురమాయమైనట్టు, ఉత్సవ వాతావరణం నెలకొంది.సాయంత్రం 6 గంటలకు ప్రారంభమైన పడిపూజలు రాత్రి 11 గంటల వరకు నిరవధికంగా కొనసాగాయి. గురు స్వాములు ఆధ్వర్యంలో సంప్రదాయ పద్ధతిలో పూజలను నిర్వహించటం కార్యక్రమానికి మరింత పౌరాణిక గౌరవాన్ని తెచ్చింది. శ్రీ విఘ్నేశ్వర, శ్రీ సుబ్రహ్మణ్యస్వామి, శ్రీ అయ్యప్ప స్వాములకు ప్రత్యేక పూజలు

అయ్యప్ప స్వామి విగ్రహానికి పాలాభిషేకం,నెయ్యాభిషేకం

భక్తులను ఆకట్టుకున్న పేటతుళ్ళి

శాస్త్రోక్తంగా నిర్వహించిన పదునెట్టంబడి పూజలు అనంతరం పదునెట్టంబడిపై దీపాల ప్రదీపణం ఈ కార్యక్రమంలో పాల్గొన్న భక్తులు ఆధ్యాత్మిక ఆనందంలో తేలిపోయారు.ఈ మహా పడిపూజ కార్యక్రమానికి వేలాదిమంది వేలాదిమందిభక్తులు హాజరయ్యారు. కుటుంబాలతో, మాలలతో, పేటతుళ్లితో పెద్ద సంఖ్యలో వచ్చిన అయ్యప్ప స్వాములు కార్యక్రమాన్ని భక్తిశ్రద్ధలతో సాగించారు.

ప్రతి భక్తుడు ఎమ్మెల్యే ఏర్పాటు చేసిన తీర్థప్రసాదాలు,అన్నప్రసాదాలు స్వీకరించి సంతృప్తి వ్యక్తం చేశారు..ఎమ్మెల్యే కావ్య కృష్ణారెడ్డి స్వయంగా భక్తుల పలకరింపులో పాల్గొని పూజా ఏర్పాట్లను పర్యవేక్షించారు.

ఈ సందర్భంగా ఎమ్మెల్యే కావ్య కృష్ణారెడ్డి మాట్లాడుతూ—

అయ్యప్ప స్వామి కరుణాకటాక్షాలతో కావలి నియోజకవర్గ ప్రజలంతా ఆరోగ్యం, సుఖశాంతులు, సంపూర్ణ సుభిక్షంతో ఉండాలని హృదయపూర్వకంగా కోరుకుంటున్నాను” అని తెలిపారు.పడి పూజ అనేది శబరిమలై అయ్యప్పమాలధారి భక్తికి పరమచిహ్నం. పదునెట్టంబడి అనేది కేవలం మెట్లు కాదు—ప్రతి మెట్టూ ఒక ఆధ్యాత్మిక ప్రమాణం, ఒక నియమం, మనసు శుద్ధీకరణ. శబరిమలై పూజా సంప్రదాయాల్లో దీనికి ఉన్న ప్రాముఖ్యత అపారమైనది” అన్నారు.అయ్యప్ప స్వామి పడి పూజ మనలోని అహంకారాన్ని తొలగించి, శరణాగతి భావాన్ని పెంపొందిస్తుంది. స్వామి కటాక్షం లభిస్తే ప్రతి భక్తుడి జీవితం సుఖసంతోషాలతో నిండిపోతుంది” అని అన్నారు..అయ్యప్ప స్వామి మహిమను అద్భుతంగా వివరించిన ఎమ్మెల్యే మాటలు భక్తులకు ఆధ్యాత్మిక పునరుజ్జీవనాన్ని కలిగించాయి.భక్తులు భారీగా పాల్గొన్నారు.స్థానికంగా ఇంత పెద్ద స్థాయిలో పూజా కార్యక్రమం జరగడం అరుదని భక్తులు పేర్కొన్నారు.ఆధ్యాత్మికతతో నిండిన అరుదైన పడిపూజ—భక్తులకు చిరస్మరణీయం..ఈ మహా పడిపూజ కావలి ప్రాంతంలో ఆధ్యాత్మిక వైభవానికి కొత్త చరిత్రని సృష్టించిందని భక్తులు భావిస్తున్నారు. ఎమ్మెల్యే కావ్య కృష్ణారెడ్డి పర్యవేక్షణలో ఏర్పాటైన ఈ కార్యక్రమం భక్తులకు ఎనలేని ఆధ్యాత్మిక ఆనందాన్ని అందించింది..ఈ కార్యక్రమంలో కూటమి పార్టీ నాయకులు, అన్ని స్థాయిల ప్రజాప్రతినిధులు, వివిధ శాఖల అధికారులు, భారీ సంఖ్యలో అయ్యప్ప స్వాములు, భక్తులు పాల్గొన్నారు.