ప్రతి రైతు కళ్లల్లో ఆనందమే మా లక్ష్యం..
కావలిలో భారీ వర్షాలు — చెరువుల కట్టలు ఎక్కడా తెగలేదు..
రైతన్న మీకోసం కార్యక్రమంలో ఎమ్మెల్యే ఇంటింటికి పర్యటన..
కావలిలో కోల్డ్ స్టోరేజ్ ఏర్పాటుకు చర్యలు వేగవంతం..
కావలి శాసనసభ్యులు కావ్య కృష్ణారెడ్డి గారు..
ముఖ్యమంత్రి నారా చంద్రబాబు నాయుడు నేతృత్వంలోని ప్రభుత్వం రైతుల శ్రేయస్సు కోసం నిరంతరం కృషి చేస్తోందని,కావలి నియోజకవర్గంలో విస్తారంగా వర్షాలు కురవడంతో అన్నదాతలు పంట సాగు పనులకు ఉత్సాహంగా సిద్ధమవుతున్నారని కావలి ఎమ్మెల్యే దగ్గుమాటి వెంకట కృష్ణారెడ్డి పేర్కొన్నారు.మంగళవారం కావలి మండలం ఆముదాలదిన్నె గ్రామంలో వ్యవసాయ శాఖ ఆధ్వర్యంలో నిర్వహించిన రైతన్న మీకోసం కార్యక్రమంలో ఎమ్మెల్యే కావ్య కృష్ణారెడ్డి పాల్గొన్నారు.
ఈ సందర్భంగా ఆమె గ్రామంలోని ప్రతి రైతు ఇంటిని సందర్శించి, పంచసూత్రాల కరపత్రాలను పంపిణీ చేశారు. రైతు భరోసా పథకం కింద అందిన నగదు సాయం రైతులకు చేరిందా లేదా అని నేరుగా విచారించారు.వ్యవసాయ శాఖ ఏడీ నాగరాజు, ఏవో లలిత సమక్షంలో ముఖ్యమంత్రి రూపొందించిన పంచసూత్రాల కరపత్రాలను ఎమ్మెల్యే ఆవిష్కరించారు.ఈ సందర్భంగా ఎమ్మెల్యే కావ్య కృష్ణారెడ్డి మాట్లాడుతూ,
రాష్ట్రంలో కురుస్తున్న సమృద్ధి వర్షాలు రైతుల హృదయాల్లో కొత్త ఆశలు నింపుతున్నాయని అన్నారు. ఇటీవల తుఫాను ధాటికి భారీ వర్షాలు కురిసినప్పటికీ కావలి నియోజకవర్గంలో ఎక్కడా చెరువుల కట్టలు తెగకుండా పటిష్ట చర్యలు తీసుకున్నామని వెల్లడించారు..“కావలిలో 23.6 సెంటీమీటర్ల అధిక వర్షపాతం నమోదైనా చెరువులకు ఎలాంటి నష్టం జరగలేదు. ఇది ముందస్తు చర్యల విజయఫలం” అని అన్నారు.రైతులకు ఇచ్చిన మాట ప్రకారం, అన్నదాత సుఖీభవ కింద అర్హులైన ప్రతి రైతుకు సంవత్సరానికి రూ.20,000 మూడువిడతలుగా అందజేస్తున్నామని, ఇప్పటికే రెండు విడతల నగదు రైతుల ఖాతాల్లో జమ చేసినట్లు తెలిపారు.
ఉచిత పగలు విద్యుత్‌, రాయితీ విత్తనాలు, ఎరువులు అందించడంలో ప్రభుత్వం ఎటువంటి రాజీ పడడం లేదని స్పష్టంచేశారు. నియోజకవర్గంలో ఎక్కడా యూరియా కొరత లేకుండా పర్యవేక్షణ చేపట్టామని పేర్కొన్నారు..రైతుల పంటలను భద్రపరిచేందుకు కావలిలో కోల్డ్ స్టోరేజ్ గిడ్డంగి ఏర్పాటు కోసం ఇప్పటికే చర్యలు వేగవంతం చేసినట్టు తెలిపారు.ఈ కార్యక్రమంలో ఎంపీడీవో శ్రీదేవి, టిడిపి రూరల్ మండల అధ్యక్షుడు ఆవుల రామకృష్ణ, కార్యదర్శి ఉప్పల వెంకట్రావు, నాయకులు బుర్ల శ్రీధర్ రెడ్డి, పంచాయతీ అధ్యక్షుడు దినేష్ గౌడ్, టిడిపి నాయకుడు ప్రసాద్ గౌడ్, వ్యవసాయ శాఖ సిబ్బంది పాల్గొన్నారు.
.jpg)
.jfif)